笨小笨一直都在歌词由希蒽尔杰演唱，出自专辑《一直都在》，下面是《一直都在》完整版歌词！
一直都在歌词完整版
ནམ་ནམ་ཞར་ཞར།
一直都在
歌词：牧人德加
作曲：希蒽尔杰
演唱：希蒽尔杰
ང་ཆེ་ང་ངར། མགོ་འཕངས་གནམ་ལས་མཐོ།
ང་བཟང་ང་ངན། སུ་ཡི་ཚིག་ལ་བརྩི།
ང་དགའ་ང་འགྲིག ཐམས་ཅད་མཁྱེན་པ་ང་།
ལུང་པ་ཆུང་ཆུང་། འདི་ལ་ང་མི་ཤོང་།
གཏམ་མང་ཕ་མའི། དབང་འོག་ང་མི་འདུག
ང་རྒྱལ་ཆེན་པོས། ས་མཐའ་ལ་ཆས་སོང་།
ལོ་ཟླ། ཡུལ་དང་བྲལ་བའི་སྐབས།
ས་མཐའ། སྡུག་བསྔལ་སངས་རྒྱུ་མེད།
ཕ་མ། སེམས་པའི་དྲན་ཤིང་ཡིན།
ཕ་ཡུལ། ཁྱེད་ལ་གླུ་ཞིག་ལེན།
བུ་ཆུང་ང་ཡི་ཕ་ཡུལ་ནི།
གཡང་གིས་ཁྱབ་པའི་ཡུལ་སྡེ་ཡིན།
ཕ་ཡུལ་གཡང་སྡེ་ཕྱུག་མོ་ནི།
འཇའ་ཁ་ཏོག་སྣ་ལྔ་ཤར་ས་ཡིན།
སེམས་པའི་དྲན་ཤིང་འཇོག་ས་ཡིན།
ཡུལ་གྱར་བུ་ཕྲུག་ཕྱིར་ལ་འགྲོ །
གླུ་སྙན་མོ་ལེན་ཞོར་ཕྱིར་ལ་འགྲོ །
ལུང་པ་ཆུང་ཆུང་། འདི་ལ་ང་མི་ཤོང་།
གཏམ་མང་ཕ་མའི། དབང་འོག་ང་མི་འདུག
ང་རྒྱལ་ཆེན་པོས། ས་མཐའ་ལ་ཆས་སོང་།
ས་མཐའི་འཚོ་བ། སྐྱོ་གདུང་ཟད་རྒྱུ་མེད།
ལོ་ཟླའི་བར་ནས། གནའ་གཏམ་དེ་བརྗེད་སོང་།
རྨི་ལམ་ནང་ནས། གཙང་འགྲམ་དེར་ཐོན་བྱུང་།
ལོ་ཟླ། ཡུལ་དང་བྲལ་བའི་སྐབས།
ས་མཐའ། སྡུག་བསྔལ་སངས་རྒྱུ་མེད།
ཕ་ཡུལ། དྲན་པ་འཇོག་སར་གྱུར།
ཕ་ཡུལ། ཁྱེད་ལ་གླུ་ཞིག་ལེན།
བུ་ཆུང་ང་ཡི་ཕ་ཡུལ་ནི།
གཡང་གིས་ཁྱབ་པའི་ཡུལ་སྡེ་ཡིན།
ཕ་ཡུལ་གཡང་སྡེ་ཕྱུག་མོ་ནི།
འཇའ་ཁ་ཏོག་སྣ་ལྔ་ཤར་ས་ཡིན།
སེམས་པའི་དྲན་ཤིང་འཇོག་ས་ཡིན།
ཡུལ་གྱར་བུ་ཕྲུག་ཕྱིར་ལ་འགྲོ །
གླུ་སྙན་མོ་ལེན་ཞོར་ཕྱིར་ལ་འགྲོ །
