笨小笨劝世歌歌词由许常惠&陈冠华&李大保&林水泉演唱，出自专辑《陈冠华与福佬什音》，下面是《劝世歌》完整版歌词！
劝世歌歌词完整版
(1)
不才姓陳名冠華，卜唸人生勸世歌
聽著的人的開化，心肝著袂想歪斜
(2)
咱來出世在世間，了解開化頭一層
有人好額免討趁，有人過日眞睏難
(3)
未前注食先注餓，全部天地塊伐落
運命好呆注好好，夯刀來錫都袂無
(4)
咱來出世無半項，亦身呼體手空空
帶在世間那眠夢，死人傢火量別人
(5)
未前出世命先注，也有古意甲罔夫
也有怣人帶瓦厝，賢人著皆做軍師
(6)
人的運命難得比，自恨出世落土時
呆命一生磨甲死，富貴差嫺甲使兒
(7)
命運八字有經重，王候在相也是人
命呆量汝賢變呅，番天刈角無採工
(8)
百般是人的命運，人生好呆的照輪
有人治塊無塊睏，有人免趁錢的春
(9)
人講富貴由在天，咱即干苦人有錢
命中好呆免相箭，圓人的偏偏的圓
(10)
人生在世比袂盡，富貴由命不由人
有人勸我我勸恁，咱來出世有領憑
(11)
有人透早乙直拚，透風落雨也著行
財產趁卜放乎子，想卜好額通出名
(12)
子那有孝是真好，生著不孝無公勞
飼伊大漢做太保，親像彼款不如無
(13)
有錢出著不少子，治塊做呆敗名聲
食飽𨑨迌不打拼，父母講話朗不聽
(14)
生著呆子免哀怨，莫非就是前世冤
人生運命無同款，愛著了解免抄煩
(15)
萬項就是命登帶，富貴貧賤天安排
不信斟足想看覓，著食甲老即下知
(16)
人生好呆朗是命，勸恁列位斟足聽
有人出名富貴子，食老者落乞食營
(17)
只款少年想無到，非為作歹做過頭
敢無傢火那重斗，卜了親像放水流
(18)
不通卜食不震動，會誤青春一世人
身苦病痛著呆紡，叫天叫地哀哀川
(19)
骨力無人敢笑怣，十食不做真不通
人無千日的養壯，人講花無百日紅
(20)
做人得賣著炳窗，愿趁無輪多少錢
予防身驅那得病，者免龜人腳腿邊
(21)
能僥卜趁也著用，卜食不趁袂刁生
世間的人三不等，骨力不驚家内貧
(22)
有人塊做錢奴才，會曉卜趁袂曉開
三噹食粥配醬菜，錢是對死儉倒來
(23)
彼款有錢不甘用，一款未趁用代先
儉呼別人諫光景，呼伊有錢真不明
(24)
有錢不用真無彩，無錢卜用怣大玳
儉食忍寒可憐代，放呼子孫看活開
