笨小笨岗格阿妈 (伴奏)歌词由阿桑旦巴演唱，出自专辑《岗格阿妈》，下面是《岗格阿妈 (伴奏)》完整版歌词！
岗格阿妈 (伴奏)歌词完整版
གངས་དཀར་ཨ་མ།
ཚིག ཨ་སངས་བསྟན་པ།
དབྱངས། དཔའ་རིས་རྒྱ་མཚོ།
ལེན་མཁན། ཨ་སངས་བསྟན་པ།
སྒྲ་ལེན་མཁན། བེ་ཅཱ།
ཁ་བ་བུ་གཡུག་འཚུབ་རུང་ཁྱོད་ཀྱི་བརྗིད་ཉམས་མི་འདོར།
སྤྲིན་པ་དཀར་པོའི་གསེང་ནས་དབུ་རྩེ་མངོན།
འཇའ་ཚོན་སྣ་ལྔའི་ཁྲོད་ནས་ལྷག་ཏུ་མཛེས།
རླུང་དམར་འཚུབ་མ་རྒྱགས་དུས་ཁྱོད་རང་ཡིད་སེམས་མ་སྐྱོ།
རི་ཀླུང་ཀུན་ནི་འགྱུར་མེད་པའི་རྒྱབ་རྟེན་ཡིན།
གཙང་བོའི་བཞུར་སྒྲས་ཁྱོད་ཀྱི་སྙིང་གཏམ་བརྗོད།
དྭངས་གཙང་གི་གངས་དཀར་རི་བོ།
ང་ཡི་རེ་སྨོན་བཅོལ་ས།
ཁྱོད་ཀྱི་འགྲམ་ནས་འཐུང་བའི་གཙང་ཆབ་དེ།
གངས་དཀར་ཨ་མའི་ནུ་ཞོ་དྲོན་མོ་ཡིན།
ཐོ་རངས་སྐར་ཆེན་ཁྲིད་ནས་ཨ་སྔོན་དགུང་ནས་འཆར་བྱུང་།
ཉི་མའི་འོད་སྣང་གྱོན་དེ་གསེར་འོད་འཕྲོས།
དུང་གི་ཟླ་བའི་གསང་གཏམ་ཁྱོད་དང་འཕྲད།
ངེས་མེད་དྲག་ཆར་འབབ་དུས་ཁྱོད་རང་ཞེ་རྩ་མ་སྨྲེང་།
ཀླུ་གཉན་འཁོར་ནི་འཐོར་མེད་པའི་གཞི་བདག་ཡིན།
རི་དྭགས་ཚོགས་ཀྱིས་ཁྱེད་ཀྱི་བརྩེ་བ་རུམ།
རྟག་བརྟན་གྱི་གངས་དཀར་རི་བོ།
ང་ཡི་མིག་ཟུང་ཐོགས་ཡོད།
ཁྱོད་ཀྱི་མདུན་ནས་འཚོས་པའི་སྒོ་ཟོག་དེ།
སྦྲ་ཁྱིམ་གྲུ་བཞིའི་གཡང་རྟེན་བཟང་བོ་ཡིན།
