笨小笨Cas Hmoob Tsis Sib Hlub歌词由Akou演唱，出自专辑《Cas Hmoob Tsis Sib Hlub》，下面是《Cas Hmoob Tsis Sib Hlub》完整版歌词！
Cas Hmoob Tsis Sib Hlub歌词完整版
Cas Hmoob Tsis Sib Hlub
Tus Hu : Akou
Hmoob li Hmoob tsis txawj sib hlub
Hmoob ib txwm tsis muaj teb chaws
Hmoob thiaj taug kev nyob puv ntuj
Ziag no lub ntiaj teb twb hloov
Los Hmoob tseem coj lub siab nqaim
Tus cwj pwm qub
Tseem coj li txhiab xyoo dhau
Thaum pem tseem nyob tsaws dej dag
Yav ntuj thaum ub
Twb yog vim txoj kev sib khib
Pheej tsis txawj xav dav ua tus loj
Hmoob thiaj li raug luag dag ntxias
Luag thiaj tua tau Hmoob tus coj
Hmoob thiaj cuag npaum qaib nkaum dav
Khiav rau txhua qhov tsis muaj chaw nyob
Vim tib qhov tsis ua zoo xav
Tsis hlub yus haiv nyiaj hlub sib tog
Txog thaum kawg
Hmoob toj poj niam luag txeeb mus yuav
Hmoob tej txuj ci luag txeeb tau tag
Hmoob ntau ntawv thiab Hmoob keeb kwm
Ces luag tias
Niam nyuj dag noj nqos hauv plab
Cov tsim txiaj ces twb tuag tag
Tsuas yog tshuav cia tus hwm
Luag lam mloog los lus
Los lam caum luag qab
Tug twg tawv ces coj dab tu
Tsis mloog lus ces ntshav lo ntaj
Muab tig xav qhov Hmoob txom nyem
Twb tsim nyog peb yuav sib hlub
Los cas tseem tsis txawj sib hwm
Tseem niaj hnub sib ntxub sib thuam
Ua plaub ua ntug
Yus tsuas khav ua rau yus Hmoob
Cas tsis ua rau mab sua dub
Hmoob li Hmoob thov tig sib hwm
Ua zoo xav tig rov sib hlub
Yog peb tseem tsis txawj sib pab
Ces ntshe peb yeej tsis zoo tshuaj
Yus yog Hmoob es thov hlub Hmoob
Thaij tsis raug luag ntxub luag thuam
Tug twg zoo thov sawv daws txhawb
Tug twg txawj thov sawv daws qhuas
Peb lub npe Hmoob thiaj tsis poob
Peb thiaj li yuav caum cuag luag
Hmoob tsis hlub Hmoob
Hmoob yuav zoo li cas
Hmoob tsis sib pab
Hmoob thiaj tsis muaj av
Ib tus ua tau ib tus mus rhuav
Hmoob thiaj nyob puv ntuj
Vim tsis txawj sib hlub
Yog Hmoob tsis hloov Hmoob tus cwj pwm
Ib hnub tom ntej Hmoob yuav xaus qhov twg
Hmoob os Hmoob thov peb sib hlub
Tsis txhob niaj hnub ua plaub ua ntug
Hmoob es Hmoob thov peb sib pab
Tsis txhob niaj hnub sib ceg sib cav
Hmoob thiaj tsim txiaj
Hmoob ntxub Hmoob mas zoo ntxub kawg
Hmoob sib ceg mas cheem tsis tau
Tiam sis mas yog thab ncaj mab sua
Ho ntshai tuag thiab ho tais caus
Yus tsuas khav ua rau yus Hmoob
Hawv rau yus Hmoob
Cas tsis mus tom tus sab nraud
Tug twg zoo mas yeej tsis txhawb
Khib tag zog thiab foom tag zog
Li cov dev vwm tom tsheej nyiag raug
Tawm sib ceg ua zog ua dig
Cem qhov dev thiab cem qhov npua
Hais lus zoo li me nyuam yaus
Pav sib foom kom ib tug tuag
Koj ua tuaj kuv yuav ua puaj
Hmoob es Hmoob thov ua zoo xav
Thov peb tij cim xav thiab laus
Tib cov fwj txwv laus kom nyog
Tseem sib ceg liab vog
Tshuab tsuag li me nyuam yaus
Cas yuav sib ntaus
Pom tsis tau ib tus twg zoo
Hnov tsis tau ib tus twg muaj
Twb yuav npaj tshwm kom nws piam
Twb yuav npaj ua kom nws pluas
Ua kom nws pluag
Yog tus twg ib nyuag txim txiaj
Yuav thiaj ua nom
Cas npaj tso dab tom kom tuag
Kwv tij Hmoob thov peb sib hlub
Ua zoo sib hais ua tib zoo xav
Vim ib tsheej ua rau ib tus zoo yam
Lub txim tsis paub ploj
Pheej tsis paub tag
Txij hnub no lawm tod yav tom ntej
Txhob coj siab nqaim
Thov sawv daws coj siab dav dav
Tus twg zoo thov sawv daws txhawb
Thov sawv daws rub
Thov sawv daws pab
Neeg ntiaj teb thiaj yuav saib peb Hmoob tsim txiaj
Luag thiaj li xav huab xav hwm
Tug twg ntse thov pab rub tes
Lub npe Hmoob tsuas muaj tib lub
Txawm tias peb yuav nyob qhov twg
Thov sawv daws sib pab sib txhawb
Es los peb sib puag xwb pwg
Txawm yus tsis coob li luag haiv
Los ua dab tsi
Thov sawv daws thooj siab koom ntsws
Hmoob tsis hlub Hmoob
Hmoob yuav zoo li cas
Hmoob tsis sib pab
Hmoob thiaj tsis muaj av
Ib tus ua tau ib tus mus rhuav
Hmoob thiaj nyob puv ntuj
Vim tsis txawj sib hlub
Yog Hmoob tsis hloov Hmoob tus cwj pwm
Ib hnub tom ntej Hmoob yuav xaus qhov twg
Hmoob os Hmoob thov peb sib hlub
Tsis txhob niaj hnub ua plaub ua ntug
Hmoob es Hmoob thov peb sib pab
Tsis txhob niaj hnub sib ceg sib cav
Hmoob thiaj tsim txiaj
