Galebi i lancuni歌词-Marta Kolega i Dunja Bahtijarevi

Galebi i lancuni歌词由Marta Kolega i Dunja Bahtijarevi演唱，出自专辑《Pjesme》，下面是《Galebi i lancuni》完整版歌词！

Galebi i lancuni歌词完整版

ne znaš ča bi pa pričaš o galebovima

i o tomu kako se oni volu puštiti na jugu

ne znaš ča bi pa pričaš o galebovima

i o tomu kako se oni zapravo igraju

e oni se zapravo igraju

a mi stojimo na zemlji.

a briga njih, zapuše jugo i oni se puštaju,

samo otvoru ona svoja ogromna krila i puštu da ih vetar ponesie

tvoje tielo je napeto i stisnuto i nieće.

a i moje isto.

mi ne znamo ča ćemo od svojie slobodie pa vičemo stani, prestani

pokušuavamo zadržati cigaret između prstiju

noge na zemlji

i ruke u tuaškama.

meni je dosta toga da me ništa ne dotiče

a pogotovo ne ruke

pružaš ruke ali ne moreš poletiti

ti nisi galeb

sve pada u vodu

sve pada

galeb pada, sve gine

sve umire

ti sidaš na katridu

ne znaš ča bi pa jope počinješ pričati o galebovima

a ovako inače

ča muogu nego sanjuariti

misliti da postoji neka idila u kuoj jua ležin u postelji dok mi neko drugi kuha kafu i parićiva fruštuk

jua ni ne znun ča je fruštuk, ali čini mi se da sliči sivilu i zgradama kie sigurno okruživaju tvuoj stan

i tako zamišljun

neku drugu jua

jednu kuoj se kuha kafa i kuoj se svira

i unda ta druga jua more ležati među bielin lancunima

i unda ta druga jua nišće ne morua

a po danu živin ko pina.

mislin da su babe počele narakamivati lancuni ka su vidile pinu

ka duojdeš ko babe – je li ti imaš babu?

popipaj rub lancuna

možda san to jua

ma ni suama ne znun ča govorin, riči su me jope nasamuarile

ali zapravo san ti tila reći (samo ča me je malo sram)

da mi se sviđaš