笨小笨噶玛巴 (Demo)歌词由罗迫演唱，出自专辑《噶玛巴 罗迫&达尔玛巴》，下面是《噶玛巴 (Demo)》完整版歌词！
噶玛巴 (Demo)歌词完整版
ལྷ་སྲས་ཀརྨ་པ།
ཚིག དྲང་འགྲོ།
དབྱངས། བློ་འཕེལ།
གཞས་པ། བློ་འཕེལ། དྷརྨ་དཔལ།
་་་་་་
ཆུ་ལུད་དྲོད་གཤེར་འཛོམས་པའི་མི་སེམས་ནང་། །
སྦྱོར་རྩུབ་གནོད་སེམས་གདུག་པ་ཞི་ཆེད་དུ། །
བྱམས་དང་སྙིང་རྗེའི་ས་བོན་བཏབ་ནས་ནི། །
འཛམ་གླིང་བདེ་ལ་འབབ་པ་མཛད་དུ་གསོལ། །
བྱམས་དང་སྙིང་རྗེའི་ས་བོན་བཏབ་ནས་ནི། །
འཛམ་གླིང་བདེ་ལ་འབབ་པ་མཛད་དུ་གསོལ། །
་་་
སྐུ་ཡི་ཉི་མས་སེམས་ལ་དྲོད་ཁོལ་སྟེར། །
གསུང་གི་ཟླ་བས་ལུས་ཀྱི་ཚ་གདུང་སེལ། །
ཐུགས་ཀྱི་སྐར་འོད་ཞི་བདེའི་མཚོ་དང་འདྲེས། །
མི་ཡི་སེང་གེ་ལྷ་སྲས་ཀརྨ་པ། །
ཐུགས་ཀྱི་སྐར་འོད་ཞི་བདེའི་མཚོ་དང་འདྲེས། །
མི་ཡི་སེང་གེ་ལྷ་སྲས་ཀརྨ་པ། །
་་་
སྐུ་བསོད་དབང་ཐང་ནམ་མཁའི་སྤྲིན་ལས་མཐོ། །
བྱིན་རླབས་ནུས་མཐུ་ནམ་མཁའི་གློག་ལས་མྱུར། །
ལང་ཚོའི་གཟི་དཔལ་ནམ་མཁའི་འཇའ་ལས་མཛེས། །
སེམས་ཀྱི་མི་ཕོ་སངས་རྒྱས་ཀརྨ་པ། །
ལང་ཚོའི་གཟི་དཔལ་ནམ་མཁའི་འཇའ་ལས་མཛེས། །
སེམས་ཀྱི་མི་ཕོ་སངས་རྒྱས་ཀརྨ་པ། །
སེམས་ཀྱི་མི་ཕོ་སངས་རྒྱས་ཀརྨ་པ། །
་་་་་་
