笨小笨典卖珠钗歌词由龙剑笙演唱，出自专辑《紫钗记》，下面是《典卖珠钗》完整版歌词！
典卖珠钗歌词完整版
第四场 典卖珠钗
浣纱【啪花下句】一别三年鱼雁渺，堪怜病妇，日夕望天涯。。遵郎嘱托要念故人情，惟把钗环来变卖。【白】唉，小姐佢不分寒热，饮亲都系当归。个病又点会好呢？
小玉【白】浣纱…浣纱…
浣纱【白】小姐，嚟啦
小玉【白】浣纱
浣纱【白】小姐，小姐，你又试发梦呀，是否梦见姑爷归来呀？【口古】慢讲你梦到姑爷叻，就算比你梦到都冇用叻，三年来雁杳鱼沉，枉你散尽资财将神拜。
小玉【口古】浣纱，我唔系梦见你姑爷归来，我系梦见一个黄衫大汉，佢似官又非官，似侠又非侠嘅，仲送咗我一对金丝银绣嘅小花鞋。。
浣纱【口古】小姐，你梦见一位黄衫大汉，佢送咗对花鞋比你呀？唔，鞋鞋声，咁呢个梦即系唔好叻，我信得过姑爷佢都唔会番嚟嘅叻，难为你憔悴花容，日添病态。
小玉【口古】浣纱，在未经此梦之前，我都未敢把你姑爷归期卜问，但既经此梦之后，我相信佢唔使几耐就会番嚟嘅叻，所谓鞋者谐也，总有日会鱼水重谐。。
浣纱【口古】系咁就好叻，系叻，正话你比我个只珍珠鈪，我经已当咗一万贯钱叻，不过无用呀，个个崔老相公佢三日嚟一次，五日又嚟一次，又用得几耐呀？以后就真系当无可当，卖无可卖。
小玉【口古】浣纱，一阵大爷嚟到嘅时候，你千祈唔好透露我地嘅寒酸光景，所谓才人落魄总具有傲骨形骸。。
浣纱【白】我扶你埋去抖下
允明【诗白】儒生老病无一用？愿把经纶换米柴！【白】嫂嫂…
小玉【白】大爷
允明【白】我嚟咗啦嫂嫂
小玉【口白】大爷，大爷，大爷不见三日，何故你枯黄若此？浣纱，你快拈串青钱，以供大爷急需之用！
浣纱【白】哦
小玉【白】大爷，你攞去，你攞去呀
允明【白】嫂嫂，儒生今日非为茶饭而来，我无非系求生而见嫂嫂…
小玉【白】你慢慢讲，慢慢讲
允明【白】嫂嫂【唱乙反木鱼】我三朝七日来借债。
小玉【白】你唔好咁讲
允明【唱】累嫂你当完金镯又典银钗。
小玉【白】唔系，唔系呀
允明【白】系嘅，【唱】当日太公七十始受文王拜。我身纵穷酸
小玉【白】慢慢讲，慢慢讲
允明【唱】但系我志尚怀。
小玉【白】应该，应该㗎，咁你攞去啦
允明【白】唔系呀嫂嫂，唔系【唱】只为大尉佢招贤将帖派。我呢个白发儒生终可上玉阶。
小玉【白】系呀，咁我真系恭喜你，我恭喜你
允明【唱】唯是我登堂苦恨无衣带。我拜府难拖呢一双燕尾鞋。。
浣纱【白】小姐
小玉【白】大爷，你嘅才志堪人敬，区区之数，足够你置装之用叻…攞去，攞去叻
允明【白】唔得嘅
小玉【白】攞去叻！
允明【白】嫂嫂，我都知道长贫系难顾，
小玉【白】你唔好咁讲
允明【白】我亦知你日渐艰难，
小玉【白】唔系，唔系
允明【白】不过我崔允明尚余一口气，我都希望博个一时转运，以报答嫂嫂你三年嘅恩义！
小玉【白】唔好咁讲
允明【白】我崔允明生不能报答嫂嫂你嘅大恩，我死后也当衔环结草报你嘅大德，
小玉【白】我唔敢当呀
允明【白】你与十郎总有团聚之时嘅。我生保佑你，我死，我都保佑你嫂嫂！
小玉【白】唉吔，大爷请起，大爷请起
允明【白】我死我都保佑你
小玉【白】薄命人折福！大爷
允明【白】多谢嫂嫂，儒生告退叻
小玉【白】你保重叻
允明【白】你都保重叻
小玉【白】我祝你成功归来！
允明【白】多谢多谢
浣纱【白】唉，小姐，宜家钱又无晒叻，以后就算有人报说姑爷消息，我地都无从答谢！
小玉【白】浣纱，你，你快将紫玉钗拈来！
浣纱【白】小姐，紫钗系你上头之物，你，你唔好呀
小玉【白】去…去呀
浣纱【白】小姐
小玉【口白】浣纱
浣纱【白】下
小玉【白】紫钗贵重难于脱手，你速寻候氏到来…
浣纱【白】哦
小玉【唱花下句】散尽千金求归讯，运穷何惜卖珠钗。。
浣纱【白】小姐
