笨小笨Ferdl (Live aus der Sünde)歌词由Monobo Son演唱，出自专辑《Ferdl (Live aus der Sünde)》，下面是《Ferdl (Live aus der Sünde)》完整版歌词！
Ferdl (Live aus der Sünde)歌词完整版
Ferdl
Als Kind war der Ferdl jede Woch mit dabei
Mit der Mama in der Dorfmetzgerei
De Metzgerin war scho so oid und so grau
Doch fürn Ferdl wars de scheenste Frau
Sie hat eam jedsmoi a Radl Wurscht ummeglangt
Nach da Schui a moi zwoa, weil da brauchst was im Magn
So gehn de ersten Jahr recht sorglos vorbei
Doch fürn Ferdl werds ned ewig so bleim
Sei Schwester de Anni, de is anders wia er
Sie liesst Biacher und wünscht sich a Ros
Da Ferdl mog Pferdl an sich a ganz gern
Doch am liabstn ois Wurscht aufm Brot
Mit sechzehn kimmt d’Anni mit so Flausn daher
Sie mecht bloss no a Gmias, koa Fleisch nie mehr
Und hätts es moi gseng was mit de Viecher passiert
Hätts es längst scho selber aufgheart
Und do heart fürn Ferdl da Spaß auf
Da packt an Ferdl de Wuat
Weil Bluat is dicker wia Wasser
Aber Bluatwurscht is dicker wia Bluat
Da Ferdl is groß woarn und broad is er a
Sei Schwester segt er zwoa moi im Jahr
De Metzgerin hat as Gschäft lang übergebn
Ihra Tochter is am Ferdl sei Lebn
Mit zwanzge hat ers gheirat is selm Metzger worn
De Bluatwurscht is eam no nia verdorbn
Im Gemeinderat hod er a was zum sagn
Und so konn der Ferdl ned klagn
Mit fünfavierzg Jahr gspürt da Ferdl an Stich
In da Brust und ganz rot werd sei Gsicht
Er kippt glei vornüber in sein Wurschtkessel nei
Vo weit weg heart a d’Frau wia sie schreit
Da Notarzt hoid ean nommoi zruck ins Lebn
Er wacht auf im Spital, sei Frau danebn
Etz muass sich was ändern so kanns ned weitergeh
Jetz gibts Schonkost und Waldlauf für di
Und do heart fürn Ferdl da Spaß auf
Da sinkt am Ferdl da Muat
Weil Bluat is dicker wia Wasser
Aber Bluatwurscht is dicker wia bluat
Ja do heart fürn Ferdl da Spass auf
Da sinkt am Ferdl da Muat
Weil Bluat is dicker wia Wasser
Aber Bluatwurscht is dicker wia Bluat
