笨小笨Lang Weg歌词由Radical&Merlo演唱，出自专辑《Letscht Tanz (Explicit)》，下面是《Lang Weg》完整版歌词！
Lang Weg歌词完整版
Sie händ ihm du muesch gah –eus jetz leider verlah
Er wett öppis ufbaue will sini Heimet isch da
aber was ihn söll ihn na hebe da ohni jeglichi Perspektive
Er hät sälbscht i härte Ziit nie welle de Berg bestiige
sis Herz muess wiiter und so gaht er voller Tatedrang
is Nachbersland – erschte Schritt in richtig Abigland
Ganz uf sich gstellt – wiit und breit kännt er niemer
Aber s’isch ja nur en Zwüschestopp zum bitzli Gäld verdiene
9 Mönet spöter – 8 mal verarscht
7 mal welle zrugg -aber jetzt parat für de Marsch
Alles isch chäuflich under de Hand - nüt anders als Sunne und Sand
bringt ihn langsam um de Verstand – wo bliibt das Wunder verdammt
Er reist mitemä Strom vo Menschä wo alli richtig Nordä wänd
Zahlt a Schieberbandä Geld für Platz ufemä marodä Gfährt
gwüssi Streckä gaht er z Fuäss wills anderscht gar nüd vorwärts gängt
gseht viel Lüüt wo gstrandet sind und glandet sind i grossä Camps
Leid wo vielnä widerfahrt, so Gschichtä het er vieli kört
doch s jetzt mit eignä Augä gseh, das figgt nä bös -
doch er muäss sinä Fokus bhaltä, trotzdem macht das ihn äs bizz nervös
drum laht er das schnell hinder sich bevor dass es ihn verstört
er isch überzügt er schaffts und dass er a diä Küschtä glangt
ä Platz ufemä Boot findt wo ihnä nächer bringt a Nüüafang
äs langt so knapp mit letschtem Geld das ganzi isch ä tüürä Gschpass
-und dänn gahts los zmitts ider tüüfschtä Nacht
REF.
s git käs zrugg meh für ihn a der Punggt ischer glangt
Das ständig Hoffä und Bangä bringt nä um sin Verstand
nur dr Tod chänntnä stoppe, er het alles uf die Chartä gsetzt
all sini Ersparnis weg und vor sich nuch ä langä Weg
- Und der isch steinig und schwer
Der isch lang, der isch steinig und schwer-
durä ganzä Kontinent und dä no d Reis über z Meer
trotzdem bleibt für ihn sis Ziel nuch vieli Meilä entfernt
D Liächter vu dr Küschtä die sind nümä z gseh
Schu äs paar Stund fahrt der alti Kahn jetzt über z Meer
bi höchem Wellägang, er hofft dass er das überlebt
Redt sich selber Muät zuä, dängg jetzt nur nüd schlechts
D Mänschä hogged dichtdrängt, am Bodä und uf Sitzbänk
Und keinä het ä kei Ahnig wer das Schiff lenkt-
Dr Wellägang isch höch, Wasser klatsched stets i Gsichter
Und niemert uf dem Boot der fühlt sich sicher
Chind am schreie, Dieselqualm wo brennt i siner Nasä
Erschöpflg macht sich langsam breit bi ihm und bi allnä
Er dänggt a dihei, a Fründä, d Mama, sinä Vater
fragt sich öber all das het würgglich sölle machä
Alles dräht sich und verschwindet mit de Ziit
Sind das Liechter am Horizont oder bildet er sichs nur ii
Tatsächlich – grad det hinde isch sis Ziil
Ändlich - Jetzt isch er sicher – s’Schlimmschte isch verbi
D’Lascht gheit vo de Schultere er merkt wie müed dass er isch
Gseht paar hälfendi Händ – aber au die wüetige Blick
Es git zur Begrüessig en Tritt und dänn gahts wiiter is Lager
für en Schlafplatz im Matsch mitere zerschnittene Plache
Da sitzt er sit Tage – beantwortet kritischi Frage
Aber keine wott ihm glaube – er muess wiiterhin warte
Sis Gäld weg und de Pass na bi de Schlepperbande
So viel Tescht bestande – aber na immer ohni Rettigsanker
REF.
s git käs zrugg meh für ihn a der Punggt ischer glangt
Das ständig Hoffä und Bangä bringt nä um sin Verstand
nur dr Tod chänntnä stoppe, er het alles uf die Chartä gsetzt
all sini Ersparnis weg und vor sich nuch ä langä Weg
- Und der isch steinig und schwer
Der isch lang, der isch steinig und schwer-
durä ganzä Kontinent und dä no d Reis über z Meer
trotzdem bleibt für ihn sis Ziel nuch vieli Meilä entfernt
BRIDGE
2 Jahr underwägs – Schu stoppeds ihn wider
Sinä Traum vu Friiheit - än utopischä blibä
Hät glaubt dass er de Wäg in Norde wird findä
S’bliibt nur Ugwüssheit was de Morgä wird bringä
D’Erwartige vo de Familie mached d’Sorge nur schlimmer
Mit tuusig Frage im Chopf hockt er im Zimmer
merkt wie de letschti Funke Hoffnig verschwindet
Sis Herz gfrührt i dem Bosnische Winter
