笨小笨得闲饮茶歌词由庄臣&林彩霞&白庆贤&周恩演唱，出自专辑《全球微粤曲大赛第五届作品创作赛》，下面是《得闲饮茶》完整版歌词！
得闲饮茶歌词完整版
我地去饮茶啰
庄臣兄 我地一齐去啦
去饮茶啰
呢我闲就够得闲
惯就成习惯嘅啦
朝朝少不了
落街呢解下馋
喂 咪啰嗦 快啲走
去茶居就最忌晏噃
楔白：行快啲啦
行迟咗就冇位架啦
(唱)我天天都准点到
为见知己老朋
一于冇使悭呢
烹茶兼煮晏
美点佳肴挑花眼
食过我又再返
楔白：喂 呢边呢边
窗口位嘛 坐正窗口位啦
唔 舒服 舒服
饮杯茶 点嘢食
唉呀 嚟啦 心头所好嚟啦
庄臣兄 你睇
(唱)好靓新出嘅糯米鸡
呢碟虾饺更係我首盼
仲有秘制嘅干蒸肉
哗 爽到你丁起手赞
好靓叉烧 莲蓉
包大件 香又甜
趁热咪将它冷
春卷够薄皮
馅正色香美
佢皮又脆 仲有酸汁蘸
楔白：哗 乜咁大碟嘎
扺食夹大件噃
真係正 正 正
好 等我影番张相先
(唱)各种煎靓糕
柱候酱味炆牛腩
应市嘅粉粥面
多款任品鉴
随意点乜嘢都啱
呢街坊朋友
喜相见 共聚谈
开心把生活赞
共把生活赞
好美景衷心赞
楔白:嗯 好味 好味
咦 又有新嘢噃
嗱 唔嚟就走宝啦
(唱)时逢盛世到
福星照
冇使心焦忧两餐
陶陶绽笑眼
心花灿
共约天天开心叹
放纵下身心
处处乐平淡
无论聚与散都心相盼
共享安康兼生猛
放纵下身心
嘿 处处乐平淡
无论聚与散 都心相盼
共享安康兼生猛
白：各位老友 记得啦
得闲饮茶
收到 得闲饮茶
老地方 准时到
一盅两件 不见不散
