笨小笨Stucky歌词由Gualtiero Bertelli演唱，出自专辑《Antologia》，下面是《Stucky》完整版歌词！
Stucky歌词完整版
Stucky xe un palazon
in fondo a la Giudeca
co i muri a picolon
che par che no'l resista
vardandolo cussì
te fa da maravegia
ch'el possa esser sta
el pan de 'na famegia
El ga dà da lavorar
a tanta e tanta zente
che se ga consumà
e no xe restà niente
'na rabia che te sèra
la gola co ti ricordi
speranse e paure
in 'sti bruti momenti.
Quando che i lo ga fato
un sogno 'na speransa
barconi che rivava
co 'l gran de l'abondansa
lavoro, tanto lavoro
la paga xe al sicuro
te màsena 'sto mulin
'na farina che xe oro.
Un oro mal goduo
dentro a 'sti casarmoni
co'l gran spacà ne l'aria
che entra nei polmoni
bianchi semo restai
più bianchi de la farina
quando che i te ga dito
la fine xe vissina.
no ti volevi creder
né ti, né tutii s'taltri
dentro ve se serai
sperando in tuti i santi
più de sinquanta giorni
vegno matina e sera
te porto da cambiar
e l'aria de la to famegia.
Po' un giorno quei barconi
fermi e intristii
s'à impegnio da novo
in aqua i xe tornai
ma sora no ghe gera
i sachi de farina
ma tuti i operai
ognun co la so famegia.
