笨小笨【粤剧】任白粤剧折子戏精华一 2/4：红楼梦之宝玉怨婚歌词由任剑辉&白雪仙演唱，出自专辑《爱已结冰》，下面是《【粤剧】任白粤剧折子戏精华一 2/4：红楼梦之宝玉怨婚》完整版歌词！
【粤剧】任白粤剧折子戏精华一 2/4：红楼梦之宝玉怨婚歌词完整版
【粤剧】任白粤剧折子戏精华（一） 2/4：红楼梦之宝玉怨婚 - 任剑辉 (任婉仪)/白雪仙
今晚洞房春
情脉脉
又怕宝玉痴心
惹起情潮爱浪
百劫鸳鸯
今宵题名鸳鸯榜
不再伤心为情狂
连病都冇咗咯
愁眉放
蕉心放
与玉人共了三生账
想到依偎在牙床
蝴蝶一对入到芙蓉帐
自有味如糖
所以心中狼忙步更忙
忙举步
不停留
眼见洞房花烛
耳听环珮叮当
林妹妹呀林妹妹
吓宝哥哥呀宝哥哥
真有幸
我地结成双
难得君你深情
我确系相思不枉
哈哈今晚我的林妹妹吖
怕起丑上嚟添
使乜用幅红罗帕
遮住你个艳容妆
不如解去见吓都无妨
等我同你解咗佢喇吓
哎吔咪啦
你手脚多多真莽撞
须知我羞人答答系咁至得心安
乜你怕丑怕得咁交关
都可谓傻夹戆
傻嘅见惯见熟
怕乜嘢丑唧
呢个新婚夫婿
犹是你旧日嘅情郎
你唔怕唧我怕㗎嘛
正所谓来日方长
你今晚唔应咁孟浪
你慌冇日子咩
重讲乜怜香惜玉
实在有乜嘢相干
解开佢喇
做乜你苦苦逼人
我系要揭开一看
哦乜原来系宝钗姐你呀
唔怪得唔同声浪叻
好喇好喇唔该你唔好同我玩叻
究竟林妹妹佢去咗何方呀
噎呢件事大有原因
有乜嘢原因你快啲讲喇
呢啲完全系你祖母嘅主意
哦梗系佢叫你嚟假扮新抱
嚟戏弄新郎唎
你又估错哪
事由来
你个仁慈祖母
为你一病彷徨
是以早完婚
攞个冲喜嘅兆头
等你早日平安妥当
咁应该娶林妹妹吖嘛
又岂料林小姐
红腥吐尽
久矣病在牙床
咁就惨咯
因此命奴奴
接木移花
此乃真情实况
唉真冤枉
确凄凉
试问我有何面目见潇湘
海誓山盟成幻想咯
天何情薄
使我心愿难偿
惆怅今宵
且由他冷落芙蓉帐
一心对表弟呀你并无情别向
奴已共君深印象
虽知我心暗为你感伤
兼且你祖母定了主张
应该今晚齐眉洞房
今晚劝姐莫妄想
若然压迫强婚到底都就变央
求望你系要将弟见谅
姻缘点得压迫真正戆
情共爱系要真结合
爱情系至上
我共你无商量
感情不能容纳你唔系我对象
结合栈凄凉
请你勿要将弟怨怅
你冷落奴奴令我精神秃丧
自问奴奴为你
我并冇情别向
自问奴奴待你的确系情长
唔系我自己无量
因你现下太心偏想
成日对黛玉咁热情太放荡
对待我太不良
因何将奴奚落殊不让
你立乜心肠
婚配若是无望
倘我若系同黛玉佢
无缘分今世无望
出家抛却红尘便记忘
啊啊宝二爷呀
何事
林姑娘归咗天叻
哎吔
呀
我的林妹妹
哎吔
珠沉玉碎
令到星月无光
到死春蚕丝绝望
已灰银蜡泪难干
甚恩情都是枉
苦相思我永难忘
妹呀你明日深埋
我要共你一棺同葬
怕睹佢椎心泣血
我都不禁泪洒千行
