笨小笨草原情歌 (Single Version)歌词由央吉拉演唱，出自专辑《》，下面是《草原情歌 (Single Version)》完整版歌词！
草原情歌 (Single Version)歌词完整版
作词 : 岗华
作曲 : 三智才让
རྩྭ་ཐང་གི་འཁྲེང་སེམས།
ཚིག གངས་དཔལ།
དབྱངས།མགར་བསམ་འགྲུབ་ཚེ་རིང་།
དཔའ་རིས རིག་འཛིན་རྡོ་རྗེ་
ཉི་མ་ཚེ་རིང་ཕར་ཁའི་རི་ནས་རྫི་གླུ་སིང་སེར་ཡོང་། ༼ཡ་ལ།༽
ཟླ་བཟང་སྒྲོལ་མ་ཚུར་ཁའི་སྒང་ནས་མེ་ཏོག་འཐུ་བཞིན་སོང་།
ཉི་མ་ཚེ་རིང་ཕར་ཁའི་རི་ནས་གོམ་ཆུང་ག་ལེར་ཡོང་། ༼ཡ་ལ།༽
ཟླ་བཟང་སྒྲོལ་མ་ཚུར་ཁའི་སྒང་ནས་འཛུམ་ཆུང་གྱི་ལེར་སོང་།
ལུག་ཚེར་དཀར་སིང་སིང་གླུ་ལ་ཁྲོལ་ལེར་འགུག༼ཡ།༽
རྟ་འདོ་བ་སྙན་སྙན་སྐད་ལ་འཁྱུག་ལེར་འགུག༼ཡ།༽
ཉི་མ་ཚེ་རིང་ལྷ་དབང་འདྲ།
ལྷ་དབང་བརྒྱ་བྱིན་རང་བྱོན་འདྲ།
ཟླ་བཟང་སྒྲོལ་མ་ལྷ་མོ་འདྲ།
ལྷ་མོའི་ཆོས་སྐུ་རང་བྱོན་འདྲ།
སོ་ཡ་ལ་ལྷ་ཞལ་བག་རེ་དྲོ།
。。。。。。
ཚེར་དཀར་ལུག་དང་སྤྲིན་དཀར་འདྲེས་པའི་ཡངས་པའི་རྩྭ་ཐང་།༼སྤྲོ་ལ་སེ།༽
ཆུ་མོའི་གཞུང་ལ་འཇའ་རིས་སྨུག་པའི་དབང་གཞུ་འཐེན་ལེ་རེད།
ལུང་པ་༼ཡེ་སོ་༽ཕུ་ཐག་རིང་བའི་ས་ཆ་དགའ་ལེ།༼སོ་ཡ་ལ།༽
དཀར་གསལ་མེ་ཏོག་དྲི་ཞིམ་འགྲོ་བའི་ནེའུ་གསིང་མེ་ལོང་ན།
སྟག་ཤར་ལུ་མ་འཕངས་མདའ་མོ་འདྲ་ལེ་རེད།༼ཡ།༽
སྨན་བུ་མོ་མ་བཀུག་གཞུ་མོ་འདྲ་ལེ་རེད།༼ཡ།༽
ཟླ་བཟང་ལང་ཚོ་རྨ་བྱ་འདྲ།
རྨ་བྱའི་སྒྲོ་ཕྲན་འདྲ་ལེ་རེད།
ཟླ་བཟང་སྐད་ངག་ཁུ་ཡུག་འདྲ།
ཁུ་ཡུག་གསུང་དང་འདྲ་ལེ་རེད།
སོ་ཡ་ལ་མི་མོའི་དྭངས་རྩེ་རེད།༼ཡ།༽
ཟླ་བཟང་ཞལ་རས་དུང་ཟླ་བཞིན་དུ་དཀར་ལུ་ཚེས་ཡོད།
༼དགའ་གྲགས་སེ།༽
ཟླ་བཟང་སྐྱེ་གཟུགས་གཞོན་ཤ་སྨིན་མ།
༼སྐྱིད་པོ་གྲགས་སེ་ལོ།༽
ཚར་དཀར་གྲ་ལོའི་ཕུ་རུང་ནང་ནས་ཞལ་འཛོམས་ཕྱག་བརྡ་ཡོང་།
༼ཡ་ལ།༽
སྐྲ་ནག་ལན་བུའི་འཕྱང་འཕྲུལ་གསེབ་ནས་ཟུར་མིག་སྐར་མདའ་ལྷུང་།
ཞེ་མ་མཐུན་སྡེ་ཆེན་མྱི་ཁ་ཆེ་ས་རེད།༼ཡ།༽
མཐུན་སོང་ན་ཁ་ཡ་ན་ཟླ་སྨོན་ས་རེད།༼ཡ།༽
ཟླ་བཟང་ཞེ་སེམས་སྤྲིན་པ་འདྲ།
སྦྲང་ཆར་བཞིན་དུ་སིམ་སིམ་བབས།
ཟླ་བཟང་སྣང་བ་ཟླ་ཟེར་འདྲ།
ཆུ་མོའི་གཞུང་ལ་ཤག་ཤག་བབས།
སོ་ཡ་ལ་རྨི་ལམ་ཞིམ་པོ་རེད།
ཞེ་མ་མཐུན་སྡེ་ཆེན་མྱི་ཁ་ཆེ་ས་རེད།༼ཡ།༽
མཐུན་སོང་ན་ཁ་ཡ་ན་ཟླ་སྨོན་ས་རེད།༼ཡ།༽
ཟླ་བཟང་ཞེ་སེམས་སྤྲིན་པ་འདྲ།
སྦྲང་ཆར་བཞིན་དུ་སིམ་སིམ་བབས།
ཟླ་བཟང་སྣང་བ་ཟླ་ཟེར་འདྲ།
ཆུ་མོའི་གཞུང་ལ་ཤག་ཤག་བབས།
སོ་ཡ་ལ་རྨི་ལམ་ཞིམ་པོ་རེད།
