笨小笨博巴之善 (Single Version)歌词由久巴演唱，出自专辑《》，下面是《博巴之善 (Single Version)》完整版歌词！
博巴之善 (Single Version)歌词完整版
作词 : 居.尕桑
作曲 : 民间
ཆོལ་ཁ་གང་དུ་སྐྱེས་ཀྱང་རུང་།།
ཡུལ་ཕྱི་ནང་གང་ན་འཚོ་ཡང་ཆོག།
བོད་སྤྱི་དོན་བསམ་པའི་སེམས་ཤིག་དགོས།།
དེ་མེད་ན་བོད་པ་ཁོག་སྟོང་རེད།།
སྐད་ཡི་གེ་ཅི་ཙམ་ཤེས་ཀྱང་རུང་།།
བློ་རིག་རྩལ་གང་ལ་སྦྱང་ཡང་ཆོག།
བོད་ཕ་མའི་སྐད་ཡིད་མ་འདོར་དགོས།།
དེ་དོར་ན་བོད་པ་ཕྱེད་ཀ་རེད།།
དགོན་འདུས་སྡེ་གང་དུ་གནས་ཀྱང་རུང་།།
ལམ་གྲུབ་མཐའ་གང་ལ་གཏོགས་ཀྱང་ཆོག།
ཆོས་འཚེ་མེད་སྙིང་རྗེའི་འགྲོ་དོན་དགོས།།
དེ་ནུས་ན་ཆོས་པ་ཚུལ་ལྡན་རེད།།
བོད་གནའ་བོའི་ཤེས་རིག་སྐྱོང་ཡང་རུང་།།
སྤྱི་ཐུན་མོང་རིག་པ་བསླབ་ཀྱང་ཆོག།
དོན་ཆོད་པའི་རིན་ཐང་ཟིན་པ་དགོས།།
དེ་ཟིན་ན་སྦྱང་བརྩོན་དོན་ཡོད་རེད།།
