笨小笨感恩歌词由小斌演唱，出自专辑《》，下面是《感恩》完整版歌词！
感恩歌词完整版
作词 : 罗布桑珠
作曲 : 罗布桑珠
༺ བཀའ་དྲིན་དྲན་གླུ། ༻
ཚིག་གདངས་གཞས་པ། ནོར་བུ་བསམ་གྲུབ།
དེ་རིང་གཞས་གཅིག་བཏང་།
ཁྱེད་ཚོ་རྣམས་ཀྱི་ཕྱོགས་སུ་འབུལ།
ད་བར་བུ་ངས་བསམ་པའི་རེ་བ་ཡོངས་སུ་གྲུབ་སོང་།
ཕ་མ་བཟང་པོ་ལགས།
ང་ཡི་སྙིང་ནས་ཐུགས་ཆེ་ཞུ།
ཁྱེད་གཉིས་ཀྱི་བྱམས་སྐྱོང་འོག་ལ།
བདེ་སྐྱིད་ངང་ནས་འཚར་ལོངས་བྱུང་།
ཉིན་མོ་བཟང་པོ་འདིར།
ང་ཡིས་སྐྱིད་པའི་གླུ་ཞིག་ལེན།
ང་ཡི་བརྩེ་བའི་ཕ་མ་སྐུ་ཚེ་རིང་བར་ཤོག
ཉིན་མོ་བཟང་པོ་འདིར།
ང་ཡིས་སྐྱིད་པའི་བྲོ་ཞིག་འཁྲབ།
ང་ཡི་ཕ་མ་ནམ་ཡང་སྐྱིད་པོ་ཡོང་བའི་སྨོན་འདུན་ཞུ།
བུ་ངའི་སེམས་པའི་གཏིང་གི་ཐུགས་རྗེ་ལེགས་འབུལ་རྣམས།
དེ་རིང་ང་ཡི་གླུ་གཞས་ཐོག་ནས་ཁྱེད་ཚོའི་ཕྱོགས་སུ་བཏང་།
གཞས་ཚིག་སྒྲིག་བཟོ། འཕྱོངས་རྒྱས་བསོད་དབང་།
དེ་རིང་གཞས་གཅིག་བཏང་།
ཁྱེད་ཚོ་རྣམས་ཀྱི་ཕྱོགས་སུ་འབུལ།
ད་བར་བུ་ངས་བསམ་པའི་རེ་བ་ཡོངས་སུ་གྲུབ་སོང་།
སྤུན་མཆེད་བཟང་པོ་ལགས།
ད་དུང་ང་ཡི་གྲོགས་པོ་ལགས།
ཁྱེད་རྣམས་པའི་ཕྱག་རོགས་འོག་ལ།
བུ་ངས་ཆེད་སྒྲིག་དང་པོ་བཏོན།
ཉིན་མོ་བཟང་པོ་འདིར།
ང་ཡིས་སྐྱིད་པའི་གླུ་ཞིག་ལེན།
ང་ཡི་བརྩེ་བའི་སྤུན་མཆེད་རྣམས་པ་བཀྲ་ཤིས་ཤོག
ཉིན་མོ་བཟང་པོ་འདིར།
ང་ཡིས་སྐྱིད་པའི་བྲོ་ཞིག་འཁྲབ།
ང་ཡི་གྲོགས་པོ་ལྷན་རྒྱས་སྐུ་གཟུགས་གསལ་ཐང་ཡོང་བར་ཤོག
ད་དུང་མཇལ་མ་མྱོང་བའི་ས་ཕྱོགས་གང་སའི།
གྲོགས་པོ་གྲོགས་མོ་ཚོ།
ཁྱེད་རྣམས་པས་རྒྱབ་སྐྱོར་གནང་བ་དེ་དག
བུ་ངས་སེམས་ལ་ནམ་ཡང་ངེས་ཡོད།
ལ་་་་་ལ་་་་་་་ལ་་་་་་་།
དེ་རིང་གཞས་གཅིག་བཏང་།
ཁྱེད་ཚོ་རྣམས་ཀྱི་ཕྱོགས་སུ་འབུལ།
ད་བར་བུ་ངས་བསམ་པའི་རེ་བ་ཡོངས་སུ་གྲུབ་སོང་།
མཐའ་མའི་རེ་བ་ལ།
གཞོན་ནུ་རྣམས་ཀྱིས་གསན་རོགས་གནང་།
ཁྱེད་ལ་ཕུགས་བསམ་ལྡན་ན།
དེ་ལ་འབད་བརྩོན་གནང་རོགས་གནང་།
ཉིན་མོ་བཟང་པོ་འདིར།
ང་ཚོས་སྐྱིད་པའི་གླུ་ཞིག་ལེན།
བསམ་དོན་ལྷུན་གྱིས་འགྲུབ་པར་བཀྲ་ཤིས་ཡོང་བ་ཤོག
ཉིན་མོ་བཟང་པོ་འདིར།
ང་ཚོས་སྐྱིད་པའི་བྲོ་ཞིག་འཁྲབ།
ང་ཡི་གླུ་དེ་གསན་ནས།
ཚང་མས་ཕྱག་ཡར་བཀྱག་རོགས་གནང་།
ཨོའོ་་་་ཨོའོ་་་་་
ལ་་་་་ལ་་་་་་་ལ་་་་་་་།
ཁྱེད་རྣམས་པར་ཐུགས་ཆེ་གནང་ཞུ།
