笨小笨La chanson des vieux amants歌词由Lisa Ducasse演唱，出自专辑《La chanson des vieux amants》，下面是《La chanson des vieux amants》完整版歌词！
La chanson des vieux amants歌词完整版
Biensir nou'nn pas par bel loraz
Depi vin-t-an lamour tranble
Bien souvan to finn kit lakaz
Boukou fwa mo'nn pran lot sime
Si sak meb ti kapav koze
Dan lasam san ber ek bibron
Zot ti'ava rakont nou siklonn
Nou ti nepli krwar dan nanye
To ti perdi lanvi dir non
Mo ti nepli anvi reponn
Me mo lamour
Twa mo soley, mo trezor, mo velour
Dan gramatin ziska lanwit vinn lour
Mo kontan twa, gate, touzour
Mwa mo konn tou to manigans
To konn tou mo sirk tantasion
To'nn anferm mwa dan piez silans
Mo'nn perdi twa dan sak kestion
Biensir to'nn konn lezot dekor
Lot konpagni pou pas letan
Pou ki lekor mor dan soupir
Me finalman, wi finalman
Fode vremem boukou zefor
Pou vieyi bien san vinn tro mir
Me mo lamour
Twa mo soley, mo trezor, mo velour
Dan gramatin ziska lanwit vinn lour
Mo kontan twa, gate, touzour
Pli letan defil so kortez
Ek pli nou perdi nou lezel
Me pa samem pli move piez
Kan zis lape reponn lapel
Biensir to larm trouv so kadans
Mo divage inpe pli tar
Nou protez mwin nou kof mister
Nou rekonet sakenn so par
Ek sey evit sime mefians
Me se touzour kares lager
Me mo lamour
Twa mo soley, mo trezor, mo velour
Dan gramatin ziska lanwit vinn lour
Mo kontan twa, gate, touzour
