笨小笨去年的故事歌词由岗贡加演唱，出自专辑《去年的故事》，下面是《去年的故事》完整版歌词！
去年的故事歌词完整版
去年的故事 - 岗贡加
词：岗贡加
曲：岗贡加
编曲：谢尔巴
录音：万玛
ན་ནིང་ན་ནིང་ཞིག་ལ།།
སྟོན་ཁའི་མཚེར་སའི་ཁོག་ནས།།
འབྲོག་མོ་སྙིང་རྗེ་ཞིག་གི།
ཟུར་མིག་མདའ་མོ་ཕོག་སོང་།།
ཤ་དང་མཆིན་པའི་གསེང་ལ།།
བཟོད་མེད་ཚོར་བ་སྦྱིན་ནས།།
ལུས་སེམས་དབང་མེད་ཤོར་ནས།།
དངུལ་གྱི་མཛུབ་དཀྲིས་སྐོན་བཞག།
རྫ་སྟོད་གཡེར་མོ་ཐང་ནས།།
བརྩེ་བ་གླུ་རུ་འགུག་མྱོང་།།
ནམ་སྟོད་སྦྲ་རྒན་ནང་ནས།།
སེམས་པ་གཅིག་ལ་འདྲེས་མྱོང་།།
སྙིང་སྡུག་སྙིང་སྡུག་ཟེར་ནས།།
མིག་ཟུང་བཙུམ་བཙུམ་གནང་མྱོང་།།
ཁྱོད་ལ་དགའ་རབ་གླེང་ནས།།
ཡུན་རིང་འགྲོགས་འཛིན་ཟེར་མྱོང་།།
ད་ལོ་ད་ལོ་ཞིག་ལ།།
གྲོང་ཁྱེར་མི་ཚོགས་གསེང་ནས།།
འདུ་འཛི་ལང་ལོང་ཆེ་བས།།
མཛའ་མོའི་སེམས་པ་འགྱུར་སོང་།།
ལུས་སེམས་གཞན་ལ་འཁོར་ནས།།
ངེད་གཉིས་འབྲེལ་ལམ་ཆད་སོང་།།
ལས་སྐལ་ཟད་པ་རེད་དམ།།
ཁྲེལ་གཞུང་མེད་པ་ཡིན་ནམ།།
ནམ་མཁའི་སྤྲིན་པ་བཞིན་དུ།།
མིག་གིས་ལྟ་ཡུན་ཐུང་སོང་།
མཁའ་ཡི་མཇའ་ཚོན་བཞིན་དུ།།
ལག་པས་རེག་ཐབས་མི་འདུག།
བརྩེ་བ་བརྩེ་བ་ཟེར་བཞིན།།
སྐྱོ་བ་ཆང་ལ་བརྗེ་མྱོང་།།
ལས་དབང་ལས་དབང་ཟེར་བཞིན།།
མིག་ཆུའི་ཕྲེང་ཐག་ཆད་མྱོང་།།
