笨小笨玛域姑娘 (Single Version)歌词由康珠吉演唱，出自专辑《玛域姑娘》，下面是《玛域姑娘 (Single Version)》完整版歌词！
玛域姑娘 (Single Version)歌词完整版
玛域姑娘 - 康珠吉
词：迈仓丹克
曲：民间
编曲：小强
后期：谢尔巴
སྟག་ཤར་དགྲ་ལྷ་རྒྱས་རྒྱུ་བོ། ཡེ།
ཡེ། སྨན་ཆུང་ང་ཡི་གཞས་ལ་གསོན།
རྨ་ཆེན་གངས་ཀྱི་རི་རྒྱུད་འདི།
རྨ་ཡུལ་བུ་མོའི་ངང་རྒྱུད་ཡིན།
གངས་ལ་ཉི་འོད་ཕོག་པ་འདི། ཡེ།
ཡེ། གཤིས་ལ་བྱམས་བརྩེ་ལྡན་རྟགས་ཡིན།
ལུས་ལ་གར་སྟབས་འཛོམས་པ་འདི།
སེང་ལྕམ་འབྲུག་མོའི་མཛངས་གཤིས་ཡིན།
ལུས་ལ་གར་སྟབས་འཛོམས་པ་འདི།
སེང་ལྕམ་འབྲུག་མོའི་མཛངས་གཤིས་ཡིན།
སྟག་ཤར་ཁ་ལས་དགེ་རྒྱུ་བོ། ཡེ།
ཡེ། སྨན་ཆུང་ང་ཡི་གཞས་ལ་གསོན།
རྨ་ཀླུང་གཙང་བོའི་བཞུར་རྒྱུན་འདི།
རྨ་ཡུལ་བུ་མོའི་ཕྱི་ཐག་ཡིན།
ཆུ་ལ་དྭངས་ཤ་ལྷོད་པ་འདི། ཡེ།
ཡེ། གཤིས་ལ་གུས་ལུགས་ལྡན་རྟགས་ཡིན།
ངག་ལ་མགུར་མ་འཁྱིལ་བ་འདི།
སེང་ལྕམ་འབྲུག་མོའི་དྲུག་འགྱུར་ཡིན།
ངག་ལ་མགུར་མ་འཁྱིལ་བ་འདི།
སེང་ལྕམ་འབྲུག་མོའི་དྲུག་འགྱུར་ཡིན།
སྟག་ཤར་རླུང་རྟ་དར་རྒྱུ་བོ། ཡེ།
ཡེ། སྨན་ཆུང་ང་ཡི་གཞས་ལ་གསོན།
རྨ་གཞུང་རྩྭ་ཐང་ཡངས་པོ་འདི།
རྨ་ཡུལ་བུ་མོའི་བློ་ཁོག་ཡིན།
སྤང་ལ་མུ་མཐའ་བྲལ་བ་འདི། ཡེ།
ཡེ། ཐུགས་ལ་ཡོན་ཏན་ཤོང་རྟགས་ཡིན།
གདོང་ལ་འཛུམ་རྒྱ་གྲོལ་བ་འདི།
སེང་ལྕམ་འབྲུག་མོའི་བཞད་སྒྲ་ཡིན།
གདོང་ལ་འཛུམ་རྒྱ་གྲོལ་བ་འདི།
སེང་ལྕམ་འབྲུག་མོའི་བཞད་སྒྲ་ཡིན།
