笨小笨O tuocco歌词由Sparatrapp演唱，出自专辑《Musica medicamentosa》，下面是《O tuocco》完整版歌词！
O tuocco歌词完整版
Pe mme, pe mme, pe mme, jo! Dieci a te!
Na bevuta va ‘o padrone e chell’ata tocca a mme.
Po’ parla ‘o sotto e me dice: cchiù ttarde!
passa ‘a serata e ‘o bicchiere m’ ’o scordo!
Na resata, na buscìa, na fumata ‘e sigaretta,
se abboffano ‘e vino, e a nuje nun danno retta!
No, no, no, senza “sotto e padrone”,
pigliammo a chisti duje, cacciàmmele fore. (2 volte)
Pe tte, pe tte, pe tte, jo! Vinte a te!
Guarda ‘a sciorta, guarda ‘a sciorte comme vò!
Ajere fuje nera, stasera m’ ‘o sento
ch’ ‘a mala furtuna nun tene maje funno,
scava e scummoglia pure dimane,
rimmango a musso asciutto e senza denare.
No, no, no, senza “sotto e padrone”,
pigliammo a chisti duje, cacciàmmele fore,
Aggio dicere a verità, no, nun voglio pazzià,
è venuto ‘o mumento, aje furnuto ‘e cummannà,
te mbroglio ‘o tuocco, te faccio ‘e tre ccarte,
primma t’avòta ‘a pizza e po’ te repasso!
Cagnammo sistema, allargammo ‘o chirchio,
bbicchiere mmano, ripigliammoce ‘a ggnostra.
No, no, no, senza “sotto e padrone”,
pigliammo a chisti dduje, cacciàmmele fore! (2 volte)
S’hanno piazzate comme ‘e Papa ntrono,
nuje ce guardammo nfaccia: è tutta na sòla! Jo!
No, no, no, senza “sotto e padrone”,
pigliammo a chisti duje, cacciàmmele fore! (2 volte)
Pigliammo a chisti duje ... cacciammele ... fore!
