笨小笨格萨尔王与珠姆王妃 (24秒片段)歌词由冰雪姐妹演唱，出自专辑《》，下面是《格萨尔王与珠姆王妃 (24秒片段)》完整版歌词！
格萨尔王与珠姆王妃 (24秒片段)歌词完整版
格萨尔王与珠姆王妃 - 冰雪姐妹
词：岗尖土登扎西
曲：智王桑珠
录音：巴.阿普
(未经许可，不得翻唱或使用)
སྔོན་ཆད་ཀྱི་དུས་རབས་ཤིག་ན།
ངོ་མཚར་གྱི་སྒྲུང་གཏམ་ཞིག་ཡོད།
དེ་ཡི་མིང་ལ་གླིང་དཀར་རྒྱལ་བོ་ཟེར།
ངག་གི་སྒྲུང་གཏམ་ཨ་ཕོ་ཇོ་རུ་ཉིད།
བསྟོད་པའི་མེ་ཏོག་དབང་མེད་གདངས་ཀྱིས་བྱུགས།
གསེར་གྱི་ཕོར་བ་འོ་ཇ་མངར་མོའི་བཀང་
གཡུལ་གྱི་ལྟད་མོ་འཛམ་གླིང་ཁྱོན་ལ་བཤམས།
ཨ་ཕོ་ཇོ་རུ་ལགས།
སེང་ཆེན་ནོར་བུ་མཆོག
ངས་ཁྱེད་ཉིད་ཀྱི་སྒྲུང་གཏམ་ལས་རྨོངས་བ་སེལ་གྱིན་ཡོད།
མཐའ་བྲལ་གྱི་སྤང་ཐང་ཅིག་ན།
མཛངས་མ་ཡི་ལང་ཚོ་ཞིག་ཡོད
ཁོ་མོའི་མིང་ལ་སྐྱ་ལོ་འབྲུག་མོ་ཟེར།
སེམས་ཀྱི་དྲན་ཤིང་སེང་ལྕམ་འབྲུག་མོ་ཉིད།
ཡུལ་གྱི་སྤང་ལྗོངས་བཅོས་མིན་གཏམ་གྱིས་བྱུགས།
དངུལ་གྱི་ཕོར་བ་འོ་ཞོ་སྣུམ་པོའི་བཀང་།
གཤིས་འཇམ་རི་མོ་སྙིང་ཁོང་གཏིང་ལ་བཤམ
ཨ་ཅེ་འབྲུག་མོ་ལགས།
སེང་ལྕམ་འབྲུག་མོ་མཆོག
ངས་ཁྱེད་ཉིད་ཀྱི་གཏམ་རྒྱུད་ལས་རྨི་ལམ་འཚོལ་གྱིན་ཡོད།
ལོ་རྒྱུས་ཀྱི་གླེགས་བམ་ཁྲོད་ན།
མཛའ་གཞས་ཀྱི་འགྱུར་ཁུག་ཅིག་ཡོད།
དེ་ཡི་མིང་ལ་སེང་འབྲུག་ཞལ་འཛོམས་ཟེར།
གཏམ་གྱི་ཕྲེང་བ་སེང་འབྲུག་ཁ་སྤྲོད་ཉིད།
མིག་གི་དགའ་སྟོན་གར་སྟེགས་སྟེང་དུ་བསྒྱུར།
སྒྲུང་གི་བག་ཆགས་ལྷད་མེད་སྙིང་ལ་སུག
རྫོགས་མེད་སྙན་ཚིག་ཤོག་དཀར་ངོས་ལ་བྲིས།
སེང་ཆེན་ནོར་བུ་ལགས།
སྐྱ་ལོ་འབྲུག་མོ་ལགས།
ངས་ཁྱེད་ཅག་གི་སྒྲུང་གཏམ་དེ་གླུ་རུ་ལེན་གྱིན་ཡོད།
གཏམ་གྱི་ཕྲེང་བ་སེང་འབྲུག་ཁ་སྤྲོད་ཉིད།
མིག་གི་དགའ་སྟོན་གར་སྟེགས་སྟེང་དུ་བསྒྱུར།
སྒྲུང་གི་བག་ཆགས་ལྷད་མེད་སྙིང་ལ་སུག
རྫོགས་མེད་སྙན་ཚིག་ཤོག་དཀར་ངོས་ལ་བྲིས།
སེང་ཆེན་ནོར་བུ་ལགས།
